गजल

यो कस्तो चाल चलाएर गयौ।

पहिलो भेटमै मन जलाएर गयौ।

जाँदु रहेछ क्यारे तिम्रो बोलिमा,

मुटुमा पिरतिको आगो बलाएर गयौ ।

नसालु ति आँखाका हेराइले होला 

कठोर यो मेरो मुटु गलाएर गयौ ।।

थाहा छैन के दिन्छेउ प्रतिउत्तरमा, 

यो दिलमा मायाको फल फलाएर गयौ

परि जस्तै बनि तिमि आयपछि 

मलाई पागलप्रेमि बनाएर गयौ ।।

गजल

मेरो हातको सिन्दुर माग्ने धेरै छन्

मेरै यादमा रातभर जाग्ने धेरै छन्

भो तिमीले भाउ खोज्नु पर्दैन सानु

मेरै घरको आँगन ताक्ने धेरै छन्

म देखि रिसाउछौ त अझै रिसाउ

जहाँ गएपनि पछि लाग्ने धेरै छन्

तिम्ले बोलाएनौ यस्मा गुनासो छैन

राति राति फोन गरि डाक्ने धेरै छन्

त्यो वैश पैसामा साट या सितैमा बाँड

मेरो लागि जोगाएर राख्ने धेरै छन्

गजल

बाचा कसम सबै तोडेर गयौ

अर्कै सँग नाता जोडेर गयौ

साथ दिन्छु भनि पारेर भ्रममा

टुक्रा टुक्रा,सपना फोडेर गयौ

आसमा बसेथे बसाउने सुन्दर घर

पलभरमै मेरो साथ छोडेर गयौ

रुदै भन्थ्यौ तिम्रो साथ बिना मर्छु

सँगै हिड्न खोजेथे,बाटो मोडेर गयौ 

मिसायछौ कपट तिम्रो बोलिभित्र

मेरै अघि पराईको घुम्टो ओडेर गयौ